· الحق قال خلوني عريان ماني متحشم من حد .
***
· اللي دس غداه العشاه كفر بمولاه .
***
· ينزح الغدير يبان الجران .
· ينزح الغدير يبان الجران .
***
· ما فيه حد قزون مع ربه .
***
· من قلة الخيل شدو ع الكلاب سروج .
***
· ما يرقاك العدو ألا بسلوم صاحبك .
***
· يمدح بلا بندير يبال يلقى حضرة .
***
· تموت الحجالة ونصها يلعب .
***
· البحر ما اتدردره بعره .
***
· أن خشيت بلاد يعبدوا ف العجل عليك بحش الحشيش .
***
· اللي يعاشر لذياب يتعلم العوا .
***
· قالوا للقرد عاطك حمى قال حاجة ما عندي نديرها ونرتعد .
***
· اللي يقتله البرق ما عد يسمع طراقيع .
***
· اللي يأكل البسال يطول الغزال .
***
· اللي فتل لي يولم لك .
***
· جانا جدي ودر أمه .
***
· اللي مو قايس الجوع قايسه ف رمضان .
***
· اللي ما يعارك بعد الجرح ذلال .
***
· صقع الربيع أيشيب الرضيع .
***
· الحق اللي ما يأخذه الله باطل .
***
· امسك ف الله وأطلق روحك .
***
· الملح كي أيعفن ايش ايحطوا عليه .
***
· ما هناك حد يقول مويتي دردي .
***
· نميزوا للغوط يبال للصابية .
***
· الحق عينه قوية .
السلام عليكم استاذنا الكريم عبدالسلام بدرالدين :أود أن أشكرك على هذا الطرح الجميل لبعض أمثالنا الشعبية الصائبة ...احترامي وتقديري
ردحذفاكرم الشلماني مرحبا بك ودمت صديق واخ عزيز وشكراً على الانطباع الذي كان اكثر تصويب واجود اختيار
ردحذفالرجاء شرح المثل جانا جدي ودر امه
ردحذف